1
Х1ай Росси хьам ц1къа а Дела ца хиллий !
Йа И хьуна Реза маца хилла алий?
Йа хьо хьанна маца эшна ю алий?
Хьо хьанна г1ерта хьайн нуьйра тилла?
2
Варх1 эзар ах эзар шо долчу къоманний?
Далла т1етоьвжина кхелинчу кхетамний?
Сил дукха беэачу турпалчу махканний?
Хьо хьаьнгара г1ерта и къаруо яккха?
3
Не1алтах хьо хьерчаш,хьакхаршца дебаш.
Лулахойн ц1ий 1енош,талораш даржош.
Иблисан(а-б.)боьхалла дуненчохь яржош.
Тхо-м Делах а кхоьруш кху махкахь даьхний.
4
Хьун хьакха воьдучо,диттех диг леч1къош.
Мангала воьдучо, и бецах леч1къош.
Шен саг1а доккхучо,хьайбнех урс леч1къош.
Къинхетам пусар а долуш-м тхо дехий .
5
Х1ай Росси,тхуна т1ехь-м элий ца хиллий!
Хьуна къарделлачу цу къаьмний санна.
Ахьа кхийдочу хоьскех, хьуна тхо дохка.
Бергалуо масаллаш гуш ду дуьненна.
6
Эзарнаш синошкахь ж1аьлех шу хуьйцуш.
Шун Делан меттана волчу шун Элас .
Адамаш шу ц1къа а цо лаьрра а доцуш.
Шуна маршо йовзахьара г1оттур яра вас.
7
Шун ц1ийца цамгар ю боьха ун даьлла.
Шун лулахь волчунна сихонца кхеташ.
Синакхетам лай-амал,даь1ахкех йоьлла.
Маьрша Нах цабезар, доьналла хеташ.
8
Делаха тешаш верг, шуна 1овдал хета.
Адамалла долуш верг, аша сийсаз лора.
Гергарло долуш верг, шуна акха хета.
Шен дешан да верг, аша сонта лора.
9
Ваша вер,йиша хьийзор ,шун аматехь ду .
Да-Нана д1акхоссар, шун 1едалехь ду .
Шайн бераш д1акхиссар,хьалхе а шоьхь ю.
Шайн Нах байъарца а,массарел тоьлла шу .
10.
Шун диканах ца кхийринарг,шун вонех вер вац. 10.
Шун дика доьвзинчу , тхан Дайша баьхна.
Ерриге хьан цамгарш сан йийца ниййат дац.
Шу дезаш дуненчохь , цхьа Къуонах ца ваьхна.
11.
Валарчу вирзинчу воккхачу Дадийна.
Ховхан и г1ов къуьйлу йоккхачу Бабийна.
Аганахь кхуьучу Нохчочун К1антанна.
Хьо маца эшнера алахьа соьга Росси.
12.
Эхь-бехках ц1ена ю ,1амалах шайт1а санна.
Цу Далла гена ю , баттанна малх санна.
Г1иллакх-оьздангалла, х1у ду а хаац хьуна.
Хьо елла, йа йоьхна и Де ган лаьар суна.
Аьрсбин Абубакр. (20.01.97 шо.)
Отдел писем
Chechenews.com
09.12.13.